ఆహ్వానాన్ని మన్నించి రచయిత హోదా పొందడం

ఆహ్వానించబడ్డ వారు, ఒక లంకె కలిగిన ఈ-టపా సందేశం అందుకుంటారు. లంకెకు సంబంధించిన ప్రదర్శిత అక్షర పాఠమే (display text) లంకె యూఆర్‌ఎల్. ఆహ్వానాన్ని అందుకున్న వారు, ఆహ్వానాన్ని మన్నించదలిస్తే, వారు ఆ లంకెనుపయోగించి గాని, లేదా ఆ లంకె యొక్క ప్రదర్శిత అక్షర పాఠాన్ని వెబ్ చిరునామాగా వుపయోగించడం ద్వారా గాని ఆ లంకె సూచిస్తున్న పుటను తెరవవలసి వుంటుంది. • అతిధి హోదా కలిగిన రచయితల హక్కులు

బ్లాగ్‌ను అంతరంగిక బ్లాగ్‌ను చేయుట : పఠనాన్ని పరిమితం చెయ్యడం

సాధారణంగా మీ బ్లాగ్‌ను మీ బ్లాగ్ యూఆర్‌ఎల్ తెలిసినవారెవ్వరైనా ఇంటర్నెట్ ద్వారా అందుకోవచ్చు. మీరు మీ బ్లాగ్ పఠనం మీద పరిమితులు విధించి, కేవలం మీ బ్లాగ్ రచయితలు మాత్రమే దానిని పఠించగలిగేటట్లు చెయ్యవచ్చు. మీరు మీ బ్లాగ్ పఠనం మీద పరిమితులు విధించి, మీ బ్లాగ్ రచయితలు కాక కేవలం మీరు ఆహ్వానించిన వారు (పఠనానికి) మాత్రమే మీ బ్లాగ్‌ను చదవగలిగేటట్లు చెయ్యవచ్చు.

ఈ-టపా ద్వారా బ్లాగ్‌కు పోస్ట్ చెయ్యడం

మీరు బ్లాగర్ వెబ్‌ సైట్‌లోకి లాగిన్ అవ్వనవసరం లేకుండా, మీ బ్లాగ్‌లో పోస్ట్​లు ప్రచురించవచ్చు. దీనికి అవసరమైన అమరికలను మీరు అమర్చినట్లయితే. బ్లాగ్‌లో పోస్ట్ చేయడానికి మీరు పంపిన ఈ పాలోని, విషయము (subject) బ్లాగ్ పోస్ట్ యొక్క శీర్షిక అవుతుంది మరియు ఈ-టపా యొక్క ముఖ్య భాగం బ్లాగ్ పోస్ట్ ముఖ్య భాగం అవుతుంది. ప్రతి రచయిత బ్లాగ్‌లో పోస్టు చేయుటకు సొంత చిరునామా వినియోగించుకోవచ్చు. కాబట్టి, పోస్ట్ ఏ చిరునామాకు వచ్చింది అన్న దాని బట్టి రచయిత పేరును అనువర్తించి, వారిని పోస్ట్ ప్రచురణ కర్తగా, పోస్ట్ పాద భాగంలో చేరుస్తుంది. ఈ-టపా ద్వారా పంపబడ్డ పోస్ట్​ను నేరుగా ప్రచురించబడేటట్లు అమర్చవచ్చు. లేనిచో మీరు పంపిన ఈ-టపా సందేశం, పోస్టు చిత్తు ప్రతిగా భద్రపరచబడుతుంది. మీరు ఈ-టపాలో అంతఃస్థాపన చేసిన ప్రతిమలు ఏమన్నా వుంటే అవి ప్రదర్శించబడవు. పైపెచ్చు, సొగసుగా కనపడే రూపాలున్న అక్షర శైలిని ఎంచుకోకుండా వుంటే మంచిది. అవి వున్నవి వున్నట్లుగా వెబ్ పుటలలో ప్రదర్శించబడకపోవచ్చు.

అనువాదం :: నేర్పు జట్టు

ఈ పుటకు ఆంగ్ల మూలం

... తరువాతి పుట ౨౬(26)