వెబ్ పుటలలో వున్న పాఠం, ప్రతిమలు యితర వస్తువులు జోడించబడి యింకా సంపన్నమైనవిగా రూపాంతరం చెందిన కొలదీ, బ్రౌజర్ (కక్షిదారు కంప్యూటర్) ఒక పుటలోని పాఠం మొత్తాన్ని తెచ్చుకోవడానికై సర్వర్‌కు అనేక వినతులు చేయవలసిన అవసరం ఏర్పడింది.

అందువలన సర్వర్‌కు వచ్చిన వినతుల సంఖ్యను సర్వర్ నుండి కోరబడిన పుటల సంఖ్యతో సమానం అని అనుకోలేము. ఆ కారణంగా పుట దర్శనాలను, తట్లును విడదీసే ఆలోచన ఉద్భవించింది.

పుట వీక్షణలు, ఒక సర్వర్‌కు వెబ్ పుటల కొరకై ఎన్ని వినతులు వచ్చాయి అనే ఆలోచనను తెలియ చేస్తుంది. ఇవి లాగ్ విశ్లేషణలో వెబ్ పుటలుగా గుర్తించబడే ఫైళ్ళ కోసం సర్వర్ అందుకున్న వినతులు.

తట్లు, సర్వర్‌కు చేయబడ్డ మొత్తం వినతుల సంఖ్యను తెలియచేస్తాయి. ఇవి వెబ్ పుటగా పిలవబడే ఫైళ్ళు, ప్రతిమల ఫైళ్ళు, ధ్వని ఫైళ్ళు, css ఫైళ్ళు, స్క్రిప్ట్ ఫైళ్ళు, వీడియో ఫైళ్ళు మొదలగు వాటిలో వేటి కోసం చేసిన వినతులైనా అవ్వొచ్చు.

ఒక వెబ్ సైట్‌ను సందర్శించిన వారు, అదే వెబ్ సైట్‌లోని అనేక పుటలను దర్శించవచ్చు. ఒక వెబ్ సైట్​ను సందర్శిస్తున్న సందర్శకుల సంఖ్యను లెక్కగట్టడానికి ఒక అదనపు విధానాన్ని సాధించారు.

ఒక కక్షిదారు కంప్యూటర్ నుండి ఒక క్రమంలో వెలువడుతున్న వినతులన్నింటిని ఒక సందర్శకుడు చేస్తున్న వినతులుగా పరిగణించబడతాయి. కొంత నిడివి (షుమారు 30 నిమిషాలు) క్రియా శూన్యతను (ఎటువంటి వినతులు లేకుండుట) బట్టి ఒక సందర్శకుడి సందర్శన పూర్తయినట్లు భావించబడుతుంది.

ఒక సర్వర్‌కు అదే రక్షిదారు కంప్యూటర్ నుండి 30 నిమిషములు నిడివి తరువాత యింకొక వినతి వచ్చినట్లయితే అది ఒక కొత్త సందర్శకుడు చేస్తున్న వినతిగా పరిగణించబడుతుంది.

శోధన యంత్రాలలో (గూగుల్ శోధన ప్రోగ్రామ్ వంటివి) వుండే వెబ్ సాలీడు (spider) అని పిలవబడే ప్రోగ్రాములు, ఆ శోధన యంత్రాల సూచికలలో వున్న సమాచారాన్ని తాజాగా వుండేటట్లు చూసుకోవడం కోసం, వెబ్ సైట్లను సందర్శిస్తూ వుంటాయి. ఈ ప్రక్రియను శోధన యంత్రాలలోని వెబ్ సాలీడు [వెబ్ మరమనిషి (Robot)] వెబ్‌ సైట్లను పాకడం (crawling) అంటారు.

ఈ ప్రోగ్రామ్‌లకు సంబంధంగా సర్వర్‌కు వచ్చిన వినతులు/తట్లు సాధారణ మానవులు చేసిన వాటిని సూచించవు. ఒక వెబ్‌ సైట్‌కు వచ్చిన నిజమైన వినతులు తెలుసుకోవాలంటే, యిలాంటి వినతులు/తట్లు తీసివేయాల్సి వుంటుంది. ఇటువంటి తొలగింపు ప్రక్రియను వెబ్ విశ్లేషణ కొరకు వుపయోగించే సాఫ్ట్​వేర్, తెలిసివున్న శోధన యంత్రాల నుండి ఉద్భవించిన వినతులను/తట్లను తొలగించడం ద్వారా చెయ్యగలుగుతుంది.

తొలుత ఒక కక్షిదారుని కంప్యూటర్ దాని IP చిరునామాతో గుర్తించబడేది. ప్రాతినిధిత్వ (proxy) పరిజ్ఞానం ఆగమనంతో చాలా కంప్యూటర్లు ఇంటర్నట్‌ను (ఇంటర్నెట్‌కు అనుసంధించబడివున్న సర్వర్లను) పరోక్షంగా ప్రాతినిధిత్వ సర్వర్ (Proxy server) అని పిలవబడే వెరే కంప్యూటర్ ద్వారా అందుకోవడం మొదలు పెట్టాయి. ఇటువంటి వ్యవస్థలో, అసలు సర్వర్‌కు చేయబడ్డ వినతులన్నీ ప్రాతినిధిత్వ సర్వర్ కంప్యూటర్ చేస్తున్నట్లుగా ముసుగు వేయబడ్ వుంటాయి. దీని వలన సందర్శకుల విలక్షణతను గుర్తించడం కష్టతరమైంది.

ఒక కక్షిదారు కంప్యూటర్ జాడ తెలుసుకోవడం, దాని నుండి వచ్చిన తరువాత వినతిని గుర్తించడం చలనశీల (dynamic) IP చిరునామాల వలన కూడా కష్టమైపోయింది. ఇంటర్నట్ సేవలనందించే సంస్థలు, కక్షిదారు కంప్యూటర్లర్లు వారి కంప్యూటర్ ద్వారా ఇంటర్నెట్‌కు అనుసంధానం ఏర్పరచుకునే సమయంలో వారికి IP చిరునామాలను చలనశీలంగా కేటాయిస్తారు. కక్షిదారు కంప్యూటర్ ఇంటర్నెట్ సేవా సంస్థ కంప్యూటర్ నుండి అసంగతమైనప్పుడు (disconnect) ఇలా కెటాయించబడ్డ IP చిరునామా వెనక్కి తీసుకోబడుతుంది. మరల అనుసంధానం ఏర్పరచుకున్నట్లయితే వున్న వాటిలో ప్రస్తుతము ఎవ్వరికీ కేటాయించబడనటువంటి చిరునామాను కేటాయిస్తుంది. (అదే IP చిరునామా కేటాయించబడాలని లేదు).

దీనివలన కక్షిదారు కంప్యూటర్ కొద్ది నిడివిలో అసంగతమై మళ్ళీ అనుసంధానం ఏర్పరచుకున్నట్లయితే. ఆ కంప్యూటర్‌కు వున్న IP చిరునామా ఒకటి కాకుండా వుండటానికి అవకాశం ఎక్కువగా వుంటుంది. తద్వారా సర్వర్ వారి నుండే వస్తున్న తదుపరి వినతులు సరికొత్త సందర్శకుడి నుండి వస్తున్నట్లుగా పరిగణించవలసి వస్తుంది.

ఈ సమస్యను అధిగమించడానికి, వెబ్ గణాంకాలను విశ్లేషించే సాఫ్ట్​వేర్, కక్షిదారు కంప్యూటర్లను గుర్తించడానికి కుకీలను వినియోగించడం మొదలు పెట్టింది.

ఇంటర్నెట్‌లో లభ్యమయ్యే వనరు (ఫైల్స్) దేనికోసమయినా సంబంధిత కంప్యూటర్‌కు వినతిని పంపమని ఒక బ్రౌసర్‌కు ఆదేశమిచ్చినప్పుడు (చిరునామా పట్టిలో సంబంధిత యూఆర్‌​ఎల్​ను చేర్చడం ద్వారా లేక లంకెను క్లిక్ చేయడం ద్వారా), అది వనరులను ఆ బ్రౌజర్ యింతకు ముందు తెచ్చి వుండి, అదే బ్రౌసర్ క్యాష్‌లో గనుక వున్నట్లయితే యిప్పుడు దానిని బ్రౌసర్ క్యాష్‌లో నుండి తెచ్చి ప్రదర్శిస్తుంది. వెబ్ సైట్‌కు వినతిని పంపదు. వినియోగదారుడు చేసిన వినతి వెబ్‌ సైట్‌కు చేరకపోవడం వలన వెబ్ సైట్ కొంత సందర్శన కోల్పోయినట్లే.

దీనివలన కొన్ని సార్లు సర్వర్ వినియోగదారుడు (కక్షిదారుడు) వెబ్ సైట్‌లోని వివిధ పుటలను సందర్శించడంలో, అతనిని అనుసరించడం (ఎక్కదినుండి ఎక్కడికి కదులుతున్నాడు అనే దానిని గమనించడం) ఆగిపోవచ్చు.

క్యాషింగ్‌ను సర్వర్‌లో తగిన అమరికలను ఎంచుకోవడం ద్వారా నిరోధించగలిగినప్పటికి, వినియోగదారుడి దృష్టిలో వెబ్ సైట్ యొక్క పనితీరు/సమర్ధత తగ్గిపోతుందనే వుద్దేశ్యంతో ఆ పని చెయ్యరు.

ఒక వెబ్‌సైట్ యొక్క పనితీరును విశ్లేషించేందుకు వుపయోగించే దత్తాన్ని రెండు మార్గాల ద్వారా గడిస్తారు. (1) సర్వర్ (కంప్యూటర్) లాగ్, మరియు (2) పుట తగిలింపు (page tagging) అనే ప్రక్రియలో (జావా) స్క్రిప్ట్​ను వుపయోగించడం ద్వారా.

• సర్వర్ లాగ్

• పుట జోడింపు/తగిలింపు

వెబ్ విశ్లేషణలో వుపయోగపడే సర్వర్ లాగ్, పుట తగిలింపు విధానాలు రెండింటికి కూడా ప్రయోజనాలు, ప్రతికూలాంశాలు రెండూ వున్నాయి.

సర్వర్ లాగ్ విశ్లేషణ అనాయాసంగా సర్వర్ లాగ్ ఫైళ్ళలో అందుబాటులో వున్న సమాచారాన్ని వుపయోగించుకుంటుంది.

పుట తగిలింపులు పని చేయాలంటే కక్షిదారు కంప్యూటర్ సమాచారం కొరకు చేయబడే వినతులకు బ్రౌసర్‌ స్పందించవలసి వుంటుంది. దీనికై బ్రౌసర్‌కు వున్న జావా స్క్రిప్ట్​ను నడిపే సత్తా సశక్త పరచబడి వుండాలి. (99%+ బ్రౌసర్‌లలో యిది సాధారణంగా సశక్త పరచబడే వుంటుంది).

పుట తగిలింపులు ఎక్కువ రకాలు/పరిమాణం గల సమాచారాన్ని గడించడానికి తద్వారా వెబ్ సైట్ సందర్శకుల గురించిన విశ్లేషణ చాలా రకాలుగా అందచేయడానికి వుపయోగపడుతుంది