blogger.com కు ఎక్కించిన ప్రతిమలను చేర్చడం

• ఎక్కించినప్పుడు పోస్ట్​లోకి చొప్పించడం/చేర్చడం బ్లాగర్.కామ్ వెబ్ సైట్‌కు ప్రతిమలను కేవలం బ్లాగర్ పోస్ట్​ను సృష్టించడానికి/సవరించడానికి వుపయోగించే పుటలనుండి మాత్రమే ఎక్కించగలుగుతాము. ప్రతిమను బ్లాగ్‌కు ఎక్కించే ప్రక్రియలో భాగంగా బ్లాగర్ ప్రతిమను పోస్ట్​లో చేర్చడానికి అవసరమైన Html కోడ్‌ను పోస్ట్​ పాఠం యొక్క Html కోడ్‌లో భాగంగా చేరుస్తుంది. అయితే ఈ కోడ్ పోస్ట్​ పాఠం మొదట్లో చేర్చబడుతుంది. అంటే ప్రతిమ పోస్ట్​ మొదట్లో చేర్చబడుతుంది. దానిని ఎక్కడ కనపడాలనుకుంటే అక్కడకు మార్చుకోవాల్సి వుంటుంది. • ఎక్కించిన తదుపరి ఎప్పుడయినా చొప్పించడం/చేర్చడం మీరు బ్లాగ్‌లోకి ఎక్కించిన ప్రతిమ సంబంధించిన Html కోడ్ యొక్క నకలు దాచుకున్నట్లయితే, మీరు ఆ కోడ్ వుపయోగించి ఆ ప్రతిమను తదుపరి ఎప్పుడయినా, ఏ పోస్ట్​లోనయినా చేర్చవచ్చు. కేవలం ప్రతిమ ఫైల్‌కు సంబంధిత యూఆర్‌ఎల్ వరకే భద్రపరచినట్లయితే, తదుపరి పోస్ట్​ పాఠాన్ని చేర్చే అక్షర ప్రదేశము యొక్క సాధన పట్టిలో వున్న "Add Image" పరికర బొత్తాన్ని వుపయోగించి, లేదా మీకు Html తెలిసినట్లయితే, ప్రతిమకు చేర్చడానికి అవసరమైన Html ను సృష్టించుకోవడం ద్వారా కాని ప్రతిమను పోస్ట్​లో చేర్చవచ్చు.

ఏ వెబ్‌సైట్‌లోని ప్రతిమనయినా Add-Image పరికరం వుపయోగించి చేర్చడం

ఏ వెబ్ సైట్‌లో వున్న ప్రతిమనైనా ఈ విధంగా చేర్చదలచినట్లయితే, ముందు ఆ ప్రతిమ ఫైల్ యూఆర్‌ఎల్ తెలిసి వుండాలి. ప్రతిమ యూఆర్‌ఎల్ తెలిసి వుండి పోస్ట్​ పాఠంలో చేర్చడానికి అవసరమైన Html కోడ్ సృష్టించుకోవడం తెలియకపోతే ఈ విధానం మీకు వుపయోగపడుతుంది. పోస్ట్​ పాఠాన్ని చేర్చే అక్షర ప్రదేశానికి సంబంధించిన సాధన పట్టిపైవున్న Add-Image పరికర బొత్తాన్ని క్లిక్ చేయండి. ఈ పరికరం మీరు ప్రతిమను బ్లాగర్.కామ్‌లోకి ఎక్కించి భద్రపరచడం ద్వారా మరియు ఏ యితర వెబ్ సైట్‌లో వున్న ప్రతిమ యొక్క యూఆర్‌ఎల్ వుపయోగించయినా ప్రతిమను పోస్ట్​లో చేర్చడానికి వుపయోగపడుతుంది. ఈ బొత్తాన్ని క్లిక్ చేసినట్లయితే ప్రతిమలను బ్లాగర్.కామ్‌లోకి ఎక్కించడానికి మరియు ఏ యితర వెబ్ సైట్‌లో వున్న ప్రతిమనయినా సంబంధిత యూఆర్‌ఎల్ వుపయోగించి చేర్చడానికి అవసరమైన ఐచ్చికలు వున్న ఒక వెబ్ పుట ప్రదర్శించబడుతుంది. ఎడమ ప్రక్క url అనే గుర్తు గల అక్షర పేటికలో క్లిక్ చేసి, మీరు పోస్ట్​లో చేర్చదలచిన ప్రతిమకు సంబంధించిన ప్రతిమ ఫైల్ యొక్క యూఆర్‌ఎల్ ఆ అక్షర పేటికలో చేర్చండి. ఈ విధంగా ఒకే సారి ఐదు ప్రతిమలను చేర్చవచ్చు ఇంకొక ప్రతిమ ఫైల్ యూఆర్‌ఎళ్ళు చేర్చడానికి Add another Image లంకెను క్లిక్ చేసి ప్రతిమవున్న అక్షరపేటిక క్రింద కొత్త యూఆర్‌ఎల్ చేర్చడానికి యింకొక అక్షర పేటిక ప్రదర్శించబడేటట్లు చెయ్యండి. ప్రతిమ పోస్ట్​ పాఠంలో లీనానికి, ప్రతిమ ప్రదర్శించబడే పరిమాణానికి సంబంధించిన ఐచ్చికలను ఎంచుకుని upload image బొత్తాన్ని క్లిక్ చెయ్యండి. మీరు చేర్చిన యూఆర్‌ఎళ్ళకు సంబంధించిన ప్రతిమలను పోస్ట్​ పాఠంలో చేర్చడానికి అవసరమైన Html కోడ్ సృష్టించండి. పోస్ట్​ పాఠానికి సంబంధించిన Html కోడ్‌తో చేర్చబడుతుంది. ప్రతిమలకు సంబంధించిన Html కోడ్‌ పోస్ట్​ పాఠం మొదట్లో చేర్చబడుతుంది. మీరు కూర్పు విధానంలో వున్నట్లయితే, ప్రతిమలు మొదట్లో ఒకదాని తరువాత ఒకటి మీరు ఎంచుకున్న లీనం, పరిమాణం ఐచ్చికలను బట్టి ప్రదర్శించబడి వుండటం గమనించవచ్చు. మీరు Html విధానంలో వున్నట్లయితే ప్రతిమలకు, సంబంధించిన Html కోడ్ చూడవచ్చు.

ఆతిధ్య సేవలందించే వెబ్‌ సైట్లకు ఎక్కించిన ప్రతిమల యూఆర్‌ఎల్

ప్రతిమలకు ఉచిత ఆతిధ్య సేవలందించే వెబ్‌ సైట్లలో భద్రపరచిన ప్రతిమల యొక్క యూఆర్‌ఎళ్ళు ఆ వెబ్‌ సైట్‌లో మీ వినియోగ ఖాతాకు సంబంధించి, ఎక్కించబడ్డ ప్రతిమ ఫైళ్ళ జాబితా ప్రదర్శించబడే పుటలో ప్రత్యేకంగా అక్షర పేటికలో ప్రదర్శించబడతాయి. (లేదా) మీరు మీ పోస్ట్​లో వుపయోగించదలచిన ప్రతిమ మాత్రమే ప్రదర్శించబడివున్న పుటలో ఒక అక్షర పేటికలో ప్రదర్శించబడతాయి. ఈ వెబ్‌ సైట్లలో యితరులు ఎక్కించి భద్రపరచిన ప్రతిమలను కూడా మనము వుపయోగించుకోవచ్చు. (వారు ఆమోదించినట్లయితే). అలా యితరులు వాడుకోవడానికి ఆమోదించబడ్డ ప్రతిమలు వున్నట్లయితే, అవి మీ ఖాతాలో ఎక్కించబడ్డవి కానప్పటికి , వాటి యొక్క యూఆర్‌ఎల్ ఆ ప్రతిమలు ప్రదర్శించబడే పుటలలో మనకు అందుబాటులో వుంటాయి. ఈ సైట్లలో ప్రతిమ యూఆర్‌ఎళ్ళు రకరకాల రూపాలలో అందుబాటులో వుంటాయి. కేవలం ప్రతిమ ఫైల్ యొక్క యూఆర్‌ఎల్; ప్రతిమ ఫైల్ యొక్క యూఆర్‌ఎల్‌ను వుపయోగించి, ఏ వెబ్ పుటలోనయినా ప్రతిమను చేర్చడానికి వుపయోగపడే Html కోడ్. ప్రతిమ ఫైల్ యొక్క యూఆర్‌ఎల్‌ను వుపయోగించి, (ప్రత్యేక గుర్తులు వాడబడే) ఏ ఫోరమ్‌లలోనయినా ప్రతిమను చేర్చడానికి వుపయోగపడే Html కోడ్. • flickr.comలో ఈ వెబ్ సైట్‌లో ఏ ప్రతిమను క్లిక్ చేస్తే ఆ ప్రతిమ ఒక వెబ్‌పుటలో ప్రదర్శించబడుతుంది. ఆ ప్రతిమ శీర్షిక పైభాగాన ముఖ్యపాఠంగా కల ప్రతిమకు సంబంధించిన ఐచ్చికలు కలిగిన ఒక ద్వితీయశ్రేణి జాబితా పట్టి ప్రదర్శించబడుతుంది. ఆ ద్వితీయశ్రేణి జాబితా పట్టిలో వున్న All sizes గుర్తు కలిగిన బొత్తాన్ని క్లిక్ చెయ్యండి. ప్రతిమ ఇంకొక వెబ్ పుటలో ప్రదర్శించబడుతుంది. ఈ పుటలో All sizes అనే గుర్తు వుండి ప్రక్కన రకరకాల పరిమాణాలను సూచిస్తున్న సంఖ్యలు వాటికి సంబంధిత లంకెలు కనబడతాయి. ఒక పరిమాణం ఎంచుకోబడి వుంటుంది. క్రింద ప్రతిమ ఆ పరిమాణంలో ప్రదర్శించబడి వుంటుంది. ప్రదర్శంచబడి వున్న పరిమాణంలో ప్రతిమను పోస్ట్​లో చేర్చడానికి అవసరమైన Html కోడ్ మరియు కేవలం ప్రతిమ యూఆర్‌ఎల్ ప్రతిమ క్రింద రెండు వేరు వేరు అక్షర పేటిక/ప్రదేశములో ప్రదర్శించబడి వుంటాయి. వీటిలో క్లిక్ చేసి, Html కోడ్/యూఆర్‌ఎల్ నకలు పొందవచ్చు. పైన వున్న పరిమాణాన్ని సూచించే లంకెలను క్లిక్ చేస్తే, క్రింద ప్రదర్శించబడివున్న ప్రతిమ మీరు ఎంచుకున్న పరిమాణంలో ప్రదర్శించబడుతుంది, మరియు Html కోడ్‌లో పరిమాణాన్ని సూచించే విలువ మారతాయి. Html కోడ్‌లో <img> గుర్తు మరియు దానిని చుట్టి వుంచే <a> గుర్తు వుంటాయి. ఈ Html కోడ్‌ను వుపయోగించి మీరు ఎక్కడయినా ప్రతిమను చేర్చినట్లయితే, ఆ <a> గుర్తు ఆ ప్రతిమను ఒక లంకెలాగా పని చేసేటట్లు చేస్తుంది. ఆ లంకె ప్రతిమకు ఆతిధ్యమిచ్చిన వెబ్ సైట్‌లో ఆ ప్రతిమ ప్రదర్శించే పుటకు/లేదా కేవలం ఆ ప్రతిమకు లంకె. మీరు ఎంచుకున్న పరిమాణంలో ప్రతిమను మీ కంప్యూటర్‌లోకి డౌన్‌లోడ్ చేసి భద్రపరచుకోవచ్చు. ప్రతిమ మీరు ఎంచుకున్న పరిమాణంలో తిరిగి నిర్మించబడి తదుపరి డౌన్‌లోడ్ అవుతుంది. ప్రతిమను పోస్ట్​లో (వెబ్ పుటలో) చేర్చడానికి మీరు ప్రతిమ క్రింది Html కోడ్‌ను వుపయోగిస్తున్నట్లయితే ఆ ప్రతిమ flickr.com వెబ్ సైట్‌లోనే అది ఎక్కించబడ్డ పరిమాణంలోనే వుంటుంది. అది మీరు ఆ Html కోడ్‌ చేర్చిన పుటలో ప్రదర్శించబడేటప్పుడు మాత్రం మీరు ఎంచుకున్న పరిమాణంలో ప్రదర్శించబడుతుంది. • photobucket.com ప్రతి ప్రతిమకు సంబంధంగా మూడు అక్షర పేటికలు వుంటాయి. ఎడమ ప్రక్క URL గుర్తు కలిగిన అక్షర పేటికలో ప్రతిమ యూఆర్‌ఎల్ వుంటుంది. ఎడమ ప్రక్క tag గుర్తు కలిగిన ఇంకొక అక్షర పేటికలో ప్రతిమ ఫైల్ యూఆర్‌ఎల్, ప్రతిమను వెబ్ పుటలో చేర్చడానికి అవసరమైన Html కోడ్‌తో సహా వుంటుంది. ఈ Html కోడ్‌లో <img> గుర్తు. దానిని చుట్టివున్న <a> గుర్తు రెండూ కనపడతాయి. <a> గుర్తు ప్రతిమ ఫైల్‌కు లంకె సృష్టించడానికి వుపయోగ పడుతుంది. మూడవ అక్షర పేటికలో (ఎడమ ప్రక్క img గుర్తు కలిగినది) ప్రతిమ ఫైల్ యూఆర్‌ఎల్, ప్రతిమను వెబ్ చర్చావేదికలలో (Forums), బులెటిన్ బోర్డ్​లలో (Bulletin Boards) పోస్ట్​ చెయ్యడానికి అవసరమైన Html కోడ్‌తో సహా వుంటుంది. వీటిలో వాడబడే గుర్తులు వేరేగా వుంటాయి. Html గుర్తుకు హద్దులుగా అక్కడ < మరియు > బదులు [ మరియు ] వినియోగించబడతాయి. ఆ కారణంగానే [img] స్ధానంలో <img> వాడబడుతుంది.

HTML కోడ్ సృష్టించడం ద్వారా ప్రతిమలను చేర్చడం

మీకు html పరిఙానం వున్నట్లయితే పోస్ట్​ పాఠం యొక్క html కోడ్‌లో భాగంగా <img> html గుర్తును సంబంధిత గుణాలతో కలిపి చేర్చి ప్రతిమను పోస్ట్​లో చొప్పించవచ్చు. దీనికి మీకు కావలసింది మీరు పోస్ట్​లో చేర్చదలుచుకున్న ప్రతిమ యొక్క యూఆర్‌ఎల్. • కూర్పు విధానంలో ప్రతిమను చేర్చినట్లయితే పోస్ట్​ పాఠంలో చేర్చబడే Html కోడ్. కూర్పు విధానం వుపయోగించి మీరు ప్రతిమను పోస్ట్​ పాఠంలో చేర్చినప్పుడు స్వయంచాలకంగా చేర్చబడే Html కోడ్‌ను గమనించి, చేర్చవలసిన కోడ్ గురించిన అవగాహన కలుగచేసుకోవచ్చు. Html విధానంలోకి మారినట్లయితే Html కోడ్‌ను గమనించవచ్చు. • మీరు వుపయోగించవలసినది <img> గుర్తు మాత్రమే. ఒక ప్రతిమను పోస్ట్​ పాఠంలో (వెబ్ పుటలో) చేర్చడానికి మీరు కేవలం <img> Html గుర్తును సంబంధిత గుణాలను చేర్చి వాడితే సరిపోతుంది. ప్రతిమలను లంకెలుగా పనిచేయించదలచినట్లయితే <img> గుర్తును <a> గుర్తులు చుట్టి వుంటాయి. గుర్తులో వున్న href " " గుణం యొక్క విలువ <img> గుర్తులో వున్న src=" " గుణం యొక్క విలువ ఒకటి అయి వుండటాన్ని గమనించండి. ఆ విలువ ప్రతిమ ఫైల్ పేరు, దాని పూర్తి స్థాన మార్గంతో సహా. ఇది ప్రతిమకు లంకెగా వుపయోగించి, ప్రతిమ ఫైల్‌ను తేవడం అవుతుంది. • లంకె ఎందుకు? ప్రతిమను ప్రతిమ ఫైల్‌కు లంకెగా చెయ్యడానికి రెండు కారణాలు వున్నాయి. ప్రతిమ, పోస్ట్​లో img గుర్తు లోపల నిర్వచించబడ్డ వెడల్పు (width) ఎత్తు (height) గుణాల యొక్క విలువల ఆధారంగా, బ్రౌసర్ వెబ్ పుటలో సృష్ఠించిన ప్రదేశంలో ప్రదర్శించబడుతుంది. ప్రతిమ యొక్క అసలు పరిమాణం వేరే ఏదన్నా అవ్వొచ్చు. ఏర్పరచబడ్డ లంకె వలన, ఆ ప్రతిమను వీక్షించే వారు, ప్రతిమను దాని అసలు పరిమాణంలో వీక్షించడానికి అవకాశం వుంటుంది(అసలు ప్రతిమను ప్రదర్శింపచేయడం ద్వారా). ప్రతిమలకు ఉచిత ఆతిధ్య సేవలందించే వెబ్ సైట్లు వారి సేవలకు షరతులు (terms of service - tos) లో భాగంగా మీరు వారి వెబ్‌ సైట్‌లో భద్రపరచిన ప్రతిమను ఏ యితర వెబ్ సైట్‌లోనన్నా వుపయోగిస్తున్నట్లయితే మీరు ఖచ్చితంగా వారి ప్రతిమ ఫైల్‌కు లంకె పెట్టాలి అని షరతును కలిగి వుంటాయి. మీరు అటువంటి ప్రతిమను వాడుతున్నట్లయితే లంకె ఖచ్చితంగా ఏర్పరచవలసి వుంటుంది. ఈ షరతులను మీరు ఆ వెబ్ సైట్‌లో ఉచిత ఖాతా పొందేటప్పుడు ఒప్పుకుంటున్నట్లు ఆమోద గుర్తు పెట్టి వుంటారు. (లేక పోతే ఖాతా సృష్టించే ప్రక్రియ ముందుకు నడవదు మరి). సాధారణంగా యివి మనం చదవకుండానే ఆమోదం తెలియ చేస్తాము.

flickr.com వెబ్‌ సైట్ నుండి నేరుగా పోస్ట్​ చెయ్యడం

బ్లాగర్ వెబ్‌ సైట్‌తో అంగీకారం ఏర్పరచుకున్న కొన్ని వెబ్‌ సైట్లు వారివద్ద వున్న ప్రతిమలను చేర్చిన పోస్ట్​లను వారి వెబ్ సైట్‌ల నుండే నేరుగా బ్లాగర్ బ్లాగ్‌లోకి పోస్ట్​ చేయడానికి అవసరమైన ఏర్పాట్లు చేసి వుంటాయి. flickr.com అటువంటి ఒక వెబ్‌ సైటే. ముందు మీరు మీ బ్లాగ్‌కు flickr.com నుండి నేరుగా పోస్టింగ్ చేయడానికి సన్నద్దపరచాలి. ఇది కూడా flickr.com వెబ్ సైట్‌లోనే చేస్తాము. • బ్లాగ్‌ను నేరుగా పోస్ట్​ చేయడానికి సన్నద్దపరచడం ప్రధమ శ్రేణి జాబితా పట్టిలోకి "your" గుర్తుగల జాబితా అంశం మీద క్లిక్ చెయ్యండి. • ప్రతిమను పోస్ట్​ చెయ్యడం. మీ ఖాతాలోకి లాగిన్ అవ్వండి మీరు బ్లాగ్ పోస్ట్​లో వుపయోగించుకున్న ప్రతిమ మీద క్లిక్ చెయ్యండి. ప్రతిమ సరికొత్త పుటలో ప్రదర్శించబడుతుంది. ప్రతిమ శీర్షిక పైన ఒక ద్వతీయ శ్రేణి సాధన పట్టి ప్రదర్శించబడుతుంది. ఈ పట్టిలో వున్న పరికరాలు ప్రతిమను మనం వినియోగించుకోవడానికి ఉపకరిస్తాము. Blog this లంకెను క్లిక్ చెయ్యండి. ప్రతిమ మీరు ఎక్కించిన (మీ ఖాతాలోది) కానట్లయితే అది అందరూ వాడుకోవడం ఆమోదించబడి లేకపోతే, ఈ లంకె కనబడదు. ప్రతిమను ఎక్కించిన వాళ్ళు ఆ ప్రతిమను అందరూ వాడుకోవచ్చా లేదా అనే దానిని నిర్ధారిస్తారు. ఒక నిర్ధారణ సందేశం, మీ బ్లాగ్ పోస్టుకు లంకెతో సహా ప్రదర్శించబడుతుంది. లంకె క్లిక్ చేసినట్లయితే మీ బ్లాగ్ పోస్ట్​ ప్రదర్శించబడుతుంది. మీరు బ్లాగర్ వెబ్‌సైట్‌లోకి లాగిన్ అయితే ఆ పోస్టును తెరిచి సవరించవచ్చు. మీరు యిక్కడ నుండి పోస్ట్​ చేసిన ప్రతి ప్రతిమ ఒక నిర్ధిష్టమైన పోస్ట్​లో ప్రచురించబడుతుంది. యిక్కడ నుండి ప్రతిమ ఏమి వుపయోగించకుండా పోస్ట్​ చెయ్యడం కుదరదు.

అనువాదం :: నేర్పు జట్టు

ఈ పుటకు ఆంగ్ల మూలం

... తరువాతి పుట ౨౦ (20)