చిహ్నాలకు రూపకల్పన [కూర్పు విధానం]

కూర్పువిధానంలో మీరు చిహ్నాలకు రూపలావణ్యం అనువర్తించడానికి రెండు పద్దతులున్నాయి. • పాఠాన్ని ఎంచుకొని రూపవలావణ్యం అనువర్తించడం అక్షర పాఠాన్ని రూపలావణ్యం గురించి ఆలోచించకుండా ముందు ముద్రించండి. (type) రూపకల్పన చేయాల్సిన అక్షర పాఠాన్ని ఎంచుకోండి. ఎంచుకోబడ్డ అక్షర పాఠానికి మీరు అనువర్తించదలచిన అక్షర/చిహ్న రూపలావణ్య ఐచ్ఛికాన్ని సాధన పట్టి మీద వున్న సంబంధిత ప్రతిమ బొత్తం మీద క్లిక్ చేయండం ద్వారా ఎంచుకోండి. (లేదా) ఆ ఐచ్ఛికానికి సంబంధించిన కుంచిక ఫలక లఘిష్టమును నొక్కడం ద్వారా ఎంచుకోండి. అక్షర పాఠానికి, మీరు ఎంచుకున్న అక్షర రూపలావణ్య ఐచ్ఛికము అనువర్తించడబడి కనపడాలంటే ఆ పాఠానికున్న ఎంపిక గుర్తు (ప్రాధాన్యమివ్వబడి వున్నట్లు చూపే రంగు) తొలగించండి. • రూపలావణ్య ఐచ్ఛికాన్ని అనువర్తించి తరువాత అక్షర పాఠం ముద్రించుట అక్షర పాఠాన్ని చేకూర్చాలనుకున్న దగ్గర క్లిక్ చేయండి. అక్కడ నుండి మీరు ముద్రించబోయే అక్షరాలకు మీరు కల్పించదలచిన అక్షర రూపలావణ్య ఐచ్చికాన్ని సాధన పట్టి మీద వున్న సంబంధిత ప్రతిమ బొత్తం మీద క్లిక్ చేయడం ద్వారా ఎంచుకోండి. (లేదా) సంబంధిత కుంచిక ఫలక లఘిష్టమును నొక్కడం ద్వారా ఎంచుకోండి. పాఠం ముద్రించడం మొదలు పెట్టండి. కర్సర్ స్ధానం వద్ద చేర్చబడుతున్న అక్షర పాఠానికి మీరు ఎంచుకున్న రూపలావణ్య ఐచ్ఛికము అనువర్తించబడటం గమనించండి. • కుంచికఫలక లఘిష్టము కుంచికఫలక లఘిష్టము (key board shortcut) వాడటానికి, రూపలావణ్యం చేకూర్చదలచిన పాఠాన్ని ఎంచుకొని, సంబంధిత లఘిష్టాన్ని నొక్కండి. Ctrl + B – అక్షరాలను/చిహ్నాలను మందముగా చేయుటకు Ctrl + i – అక్షరాలను/చిహ్నాలను ఇటాలిక్ అక్షరాల రూపు చేకూర్చడానికి. (ఇటాలిక్ అక్షరాలు కుడివైపుకు వాలినట్లు కనపడతాయి)

పరిచ్ఛేదానికి రూప కల్పన [కూర్పు విధానం]

పరిచ్ఛేదము ఒక పేటిక లాంటిది. అక్షర పాఠాన్నే కాక అది అనేక యితర రకములయిన అంశాలను కలిగి వుండగలదు. పరిచ్ఛేదములో బొమ్మలు, పట్టికలు మొదలగునవి కూడా వుండవచ్చు. పరిచ్ఛేద రూపలావణ్యం గురించి ఆలోచించేటప్పుడు మొత్తం పరిచ్ఛేదాన్ని ఒక అంశం క్రింద పరిగణిస్తాము. పరిచ్ఛేద రూప కల్పనకు రెండు మార్గాలున్నాయి. • పరిచ్ఛేదాన్ని ఎంచుకుని, రూపలావణ్య ఐచ్ఛికాన్ని అనువర్తించడం పరిచ్ఛేదములో వుండాల్సిన పాఠం అక్షర ప్రదేశంలో ముందు ముద్రించండి. పరిచ్ఛేదములో ఎక్కడో ఒక చోట కర్సర్ వుండేటట్లు చేయండి. (మౌస్‌‌‌తో పరిచ్ఛేదములో ఎక్కడో ఒక చోట క్లిక్ చేయండి. లేదా కుంచిక ఫలకం మీద సంచార కుంచికలను వుపయోగించి కర్సర్ పరిచ్ఛేదములోకి వచ్చేటట్లు చేయండి). రూపలావణ్యాన్ని ఒకేసారి రెండు అంతకంటే ఎక్కువ పరిచ్ఛేదాలకు అనువర్తించ దలుచుకున్నట్లైతే, మీరు ఏ పరిచ్ఛేదాలకు రూపలావణ్యం చేకూరాలనుకుంటున్నారో ఆ పరిచ్ఛేదాలన్నింటిని ఎంచుకోండి. ఆ పరిచ్ఛేదాలను పూర్తిగా ఎంచుకోకపోయినా ఫరవాలేదు. మీ ఎంపిక మీకు కావాల్సిన పరిచ్ఛేదాల పాఠంలోని కనీసం ఒక్క చిహ్నమైనా కలిగివుండాలి మీరు ఎంచుకున్న పరిచ్ఛేద రూపలావణ్య ఐచ్ఛికాన్ని (పరికర పట్టి మీద, ప్రతిరూప బొత్తం రూపంలో వున్న సంబంధిత పరికరం మీద క్లిక్ చేయడం ద్వారా) పరిచ్ఛేదానికి అనువర్తించండి. • రూపలావణ్య ఐచ్ఛికాన్ని అనువర్తించి తరువాత అక్షర పాఠాన్ని ముద్రించడం మీరు ఎక్కడయితే ఒక క్రొత్త పరిచ్ఛేదాన్ని సృష్టిద్దామనుకుంటున్నారో అక్కడ క్లిక్ చేయండి. మీకు కావల్సిన పరిచ్ఛేద రూపలావణ్య ఐచ్ఛికలను ఎంచుకోండి. మీ పరిచ్ఛేదములో పాఠం చేర్చడం మొదలు పెట్టండి. పరిచ్ఛేదము మీకు కావల్సిన రూపలావణ్యంతో సృష్టించబడటం కనబడుతుంది. మీరు వోర్డ్ ప్రోప్రోసెసింగ్ ప్రోగ్రామ్ (మైక్రోసాఫ్ట్ వోర్డ్ వంటిది) లో చూసే అన్ని రకాల ఇచ్చాపూర్వకాలు వెబ్ పుటలలో రూపకల్పన కొరకు వుపయోగపడవు/కనపడవు.

పరిచ్ఛేద లీనము (Paragraph alignment)

align = సమాంతరంగా వుండేటట్లు చేయడానికి ఒక వరుసలో పేర్చడం/పెట్టడం పరిచ్చేద లీనమునకు సంబంధించి నాలుగు ఐచ్ఛికలు వుంటాయి ఎడమలీనమైన (Left alignment), కుడిలీనమైన (Right alignment), కేంద్రమైన (Centered), సమర్ధించబడిన (Justified). • ఎడమ లీనమైన పరిచ్చేదము: బ్లాగ్ గురించి తెలిసిన దగ్గర నుండి, నేను చదివిన కొద్దిపాటి బ్లాగ్‌‌ల నుండి, బ్లాగ్‌‌లలో ఎంతో లోతైన, వైవిధ్యమైన సమాచారం, ఈ భూప్రపంచంలో ఎటువంటి విషయం మీదనయినా మనం పొందగలమని అర్ధం అయ్యింది. ఈ భూమి ఏ మూలకు సంబంధించిన సమాచారమైనా మనం పొందవచ్చు. జరుగుతున్న వాటి గురించి సత్వరమే తెలుసుకునే అవకాశం కలుగుతుంది. .....ఎందుకంటే బ్లాగర్లు ప్రపంచంలో అందరికంటే వేగంగా సమాచారాన్ని అందించే విలేఖర్లు.   • కుడిలీనమైన పరిచ్చేదము: బ్లాగ్ గురించి తెలిసిన దగ్గర నుండి, నేను చదివిన కొద్దిపాటి బ్లాగ్‌‌ల నుండి, బ్లాగ్‌‌లలో ఎంతో లోతైన, వైవిధ్యమైన సమాచారం, ఈ భూప్రపంచంలో ఎటువంటి విషయం మీదనయినా మనం పొందగలమని అర్ధం అయ్యింది. ఈ భూమి ఏ మూలకు సంబంధించిన సమాచారమైనా మనం పొందవచ్చు. జరుగుతున్న వాటి గురించి సత్వరమే తెలుసుకునే అవకాశం కలుగుతుంది. .....ఎందుకంటే బ్లాగర్లు ప్రపంచంలో అందరికంటే వేగంగా సమాచారాన్ని అందించే విలేఖర్లు. • కేంద్రమైన పరిచ్చేదము: బ్లాగ్ గురించి తెలిసిన దగ్గర నుండి, నేను చదివిన కొద్దిపాటి బ్లాగ్‌‌ల నుండి, బ్లాగ్‌‌లలో ఎంతో లోతైన, వైవిధ్యమైన సమాచారం, ఈ భూప్రపంచంలో ఎటువంటి విషయం మీదనయినా మనం పొందగలమని అర్ధం అయ్యింది. ఈ భూమి ఏ మూలకు సంబంధించిన సమాచారమైనా మనం పొందవచ్చు. జరుగుతున్న వాటి గురించి సత్వరమే తెలుసుకునే అవకాశం కలుగుతుంది. .....ఎందుకంటే బ్లాగర్లు ప్రపంచంలో అందరికంటే వేగంగా సమాచారాన్ని అందించే విలేఖర్లు.   • సమర్ధించబడిన పరిచ్చేదము: బ్లాగ్ గురించి తెలిసిన దగ్గర నుండి, నేను చదివిన కొద్దిపాటి బ్లాగ్‌‌ల నుండి, బ్లాగ్‌‌లలో ఎంతో లోతైన, వైవిధ్యమైన సమాచారం, ఈ భూప్రపంచంలో ఎటువంటి విషయం మీదనయినా మనం పొందగలమని అర్ధం అయ్యింది. ఈ భూమి ఏ మూలకు సంబంధించిన సమాచారమైనా మనం పొందవచ్చు. జరుగుతున్న వాటి గురించి సత్వరమే తెలుసుకునే అవకాశం కలుగుతుంది. .....ఎందుకంటే బ్లాగర్లు ప్రపంచంలో అందరికంటే వేగంగా సమాచారాన్ని అందించే విలేఖర్లు. • గమనిక ఫైర్ ఫాక్స్ బ్రౌసర్‌‌‌లో ఇంగ్లీషేతర భాషల అక్షర పాఠం వున్నప్పుడు సమర్ధించబడిన పరిచ్ఛేద లీనము సక్రమంగా పనిచేయక పోవచ్చు.

తూటాల/అంకెల జాబితాలు

ఎలక్ట్రానిక్ పత్రాలలో ఒక సమూహముగా ఏర్పరచబడిన పరిచ్ఛేదాలను జాబితాలంటాము. జాబితాలోని ప్రతి అంశము ఒక పరిచ్ఛేదము. ఈ కారణంగానే జాబితాల రూపలావణ్యం గురించిన ఆలోచనలు పరిచ్ఛేద రూపలావణ్యం గురించిన ఆలోచనలు చదువుకునేటప్పుడు తెలుసుకుంటాము. జాబితాలోని ప్రతి అంశము (list item) ఒక ప్రత్యేకమైన గుర్తుతో మొదలవుతుంది. ఈ గుర్తు పరిచ్ఛేదము యొక్క మొదటి అక్షరము (చిహ్నము) నకు ఎడమ వైపున కొంత నిడివితో కనపడుతుంది. జాబితా అంశాల గుర్తింపులన్నీ ఒకే నిలువు వరుసలో లీనమయి కనపడతాయి. వెబ్ పుటలలో జాబితాలను రెండుగా వర్గీకరిస్తారు. క్రమ జాబితా, అక్రమ జాబితా. • అక్రమ జాబితాలు అక్రమ జాబితాంశములకు గుర్తులుగా చిహ్నాలు (పూర్ణ వృత్తం (filled circle), పూర్ణ చతురస్రం (filled square), ఖాళీ వృత్తం (unfilled circle) మొదలగునవి), చిత్రాలు కనపడతాయి. వోర్డ్ ప్రోసెసింగ్ ప్రోగ్రాములలో వీటిని తూటాల జాబితాలు (bulleted lists) అని కూడా అంటారు. • క్రమ జాబితాలు క్రమ జాబితాలకు గుర్తులుగా అక్షరాలు (ఇంగ్లీషు భాషలోని పెద్ద అక్షరాలు, చిన్నఅక్షరాలు), అంకెలు (అరబిక్, రోమన్ అంకెలు పెద్దవి/చిన్నవి) కనపడతాయి. జాబితా అంశాలకు గుర్తులుగా వుండే అక్షరాలు, సంఖ్యలు ఒక క్రమంలో ఏర్పరచబడి వుంటాయి (పై నుండి క్రిందకు). అన్నింటికంటే పైన అంశానికి మొదటి అంకె/అక్షరము, తరువాతి అంశమునకు తరువాతి అంకె/అక్షరము.... వోర్డ్ ప్రోసెసింగ్ ప్రోగ్రాములలో వీటిని సంఖ్యాత్మక జాబితాలు (numbered lists) అని కూడా అంటారు. ఇందులో జాబితా అంశాల క్రమాన్ని సూచించడానికి సంఖ్యలు వాడతాము. వోర్డ్ ప్రోసెసింగ్ ప్రోగ్రామ్ (మైక్రోసాఫ్ట్ వోర్డ్ ) లాంటి వాటిలో జాబితా గుర్తులకు చాలా ఐచ్ఛికలు కనపడతాయి కాని వెబ్‌ పుటలలో మనం వాడగలిగేవి కొన్ని మాత్రమే. బ్లాగర్.కామ్‌‌లో పోస్ట్ సృష్ఠించేటప్పుడు, జాబితాలు సృష్టించడానికి (కూర్పు విధానంలో) రెండే ఐచ్ఛికలు వుంటాయి. • తూటాల జాబితా ఇప్పటివరకు మనం నేర్చుకున్నది: వినియోగ ఖాతా సృష్టించడం బ్లాగ్‌‌‌ను సృష్టించడం బ్లాగ్‌‌లో పోస్ట్‌‌ను సృష్టించడం పోస్ట్ పాఠానికి రూపలావణ్యం చేకూర్చడం • అంకెల జాబితా ఇప్పటివరకు మనం నేర్చుకున్నది: వినియోగ ఖాతా సృష్టించడం బ్లాగ్‌‌ను సృష్టించడం బ్లాగ్‌‌లో పోస్ట్‌‌ను సృష్టించడం పోస్ట్ పాఠానికి రూపలావణ్యం చేకూర్చడం • గూడుకట్టబడ్డ జాబితాలు ఒక జాబితా లోపల ఒకటి అంతకంటే ఎక్కువ యితర జాబితాలు చేర్చబడి వుంటే వాటిని గూడు కట్టబడ్డ జాబితాలు లేదా జాబితాల గూడు అంటాము. జాబితాల గూడును ఎన్ని స్ధాయిల వరకైనా ఏర్పరచవచ్చు. మీరు బ్లాగర్ ప్రోగ్రామ్‌‌ను వుపయోగించి జాబితాలను సృష్ఠిస్తున్నట్లయితే, మీకు HTML పరిజ్ఞానం వుంటే వుపయోగకరంగా వుంటుంది. కంప్యూటర్ పరిజ్ఞానం గడించడానికి మనం ఏమి నేర్చుకుంటాము, వాటికి వుపయోగించే ప్రోగ్రామ్స్: పదముల ప్రక్రియ (Word processing) మైక్రోసాఫ్ట్ వోర్డ్ ఓపెన్ ఆఫిస్ రైటర్ ఐ లీప్ వోర్డ్ ఫర్‌ఫెక్ట్ వెబ్ రూపసృష్టి (Web design) మైక్రోసాఫ్ట్ ఫ్రంట్ పేజి ఎవర్ సాఫ్ట్ 1st పేజ్2000 మాక్రోమీడియా డ్రీమ్ వీవర్ ప్రోగ్రామింగ్ సి సి++ జావా విషువల్ బేసిక్ మీకు HTML/CSS పరిజ్ఞానము వుంటే, జాబితాలు తయారు చేయడంలో యింకా ఎక్కువ ఎంపికలు అందుబాటులో వుంటాయి.

జాబితాల సృష్ఠి, రూపకల్పన

బ్లాగర్‌‌లో (అక్షర ప్రదేశములో) పోస్ట్ కూర్పు విధానంలో జాబితాలను సృష్టించడానికి రెండు విధానాలు వున్నాయి. • ముందుగా జాబితా అంశాలన్నీ ముద్రించి. మొదటి జాబితా అంశాన్ని ముద్రించండి. (ప్రతి) జాబితా అంశము చివరకు వచ్చిన తరువాత ENTER కుంచిక నొక్కండి. [ENTER కుంచికను కర్సర్ జాబితా అంశము మధ్యలో వున్నప్పుడు ఎక్కడా నొక్కకుండా జాగ్రత్త తీసుకోండి.] జాబితా సృష్టించేటప్పుడు బ్లాగర్ ప్రోగ్రామ్ ENTER కుంచిక నొక్కినపుడు ఏర్పడే అదృశ్య చిహ్నాన్ని, జాబితా అంశము యొక్క అంతముగా పరిగణిస్తుంది. రెండవ జాబితా అంశాన్ని ముద్రించి, చివరలో ENTER కుంచిక నొక్కండి. ... ... జాబితాకు సంబంధించిన పాఠం మొత్తం ముద్రించడం/చేర్చడం అయిపోయిన తరువాత, ఆ మొత్తాన్ని ఎంచుకోండి. మీరు ఎటువంటి జాబితా కావాలనుకుంటున్నారనేదానిబట్టి సాధనాల పట్టి మీద వున్న తూటాల జాబితా సాధనాన్ని లేదా సంఖ్యాయుత జాబితాల సాధనాన్ని క్లిక్ చేయండి. జాబితా ప్రదర్శించబడటానికి అక్షర పాఠానికి వున్న ఎంపిక గుర్తును (ప్రాధాన్యమివ్వబడ్డట్లు చూపబడే గుర్తును) తొలగించండి. మీరు ఎంచుకున్న పాఠం మొత్తం, జాబితా రూపంలో ఏర్పరచబడి కనబడుతుంది. చొప్పించబడ్డ/చేర్చబడ్డ HTML గుర్తులు కనపడాలంటే HTML విధానానికి మారండి. • జాబితా లక్షణాన్ని ఎంచుకొన్న తదుపరి జాబితా అంశాలను ముద్రించడం మీరు ఏ లక్షణం గల జాబితా కావాలనుకుంటారో ఎంచుకుని, తరువాత జాబితా అంశాలను ముద్రించడం ద్వారా కూడా జాబితాను తయారు చేయవచ్చు. కర్సర్ అక్షర ప్రదేశములో, మీరు జాబితా ఏర్పరచదలచుకున్న దగ్గర, వుండేటట్లు చూడండి. మీకు కావాల్సిన జాబితా లక్షణం బట్టి సంబంధిత సాధనం మీద క్లిక్ చేయండి. మొదటి జాబితా అంశము మీరు ఎంచుకున్న లక్షణము బట్టి పూర్ణ వృత్తంతో కాని లేదా "1" తో కాని గుర్తించబడి కనబడుతుంది. జాబితా మొదటి అంశము గుర్తుకు కొంచెం ఎడంగా (కుడి వైపు) కర్సర్ మినుకుతూ (Blink) కనబడుతుంది. మీ మొదటి జాబితా అంశమును ముద్రించడం (Type) మొదలుపెట్టండి. ఈ అంశం మొత్తం ముద్రించడం అయ్యేవరకు ENTER కుంచిక వుపయోగించకుండా జాగ్రత్త పడండి. మొదటి అంశం పాఠం మొత్తం చేర్చడం పూర్తయిన తరువాత, పాఠం చివర కర్సర్ వున్నప్పుడు ENTER కుంచిక నొక్కండి. రెండవ జాబితా అంశం సృష్టించబడి, కర్సర్ అందులో మిణుకుతూ కనపడుతుంది. రెండవ జాబితా అంశము ముద్రించిన తరువాత, చివరలో ENTER కుంచిక నొక్కితే, మూడవ జాబితా అంశము సృష్టించబడుతుంది. ... ... చిట్టచివరి అంశం చేర్చడం అయిపోయిన తరువాత ENTER కుంచికను వరుసగా రెండుసార్లు నొక్కండి. మొదటిసారి నొక్కినప్పుడు తరువాతి జాబితా అంశం సృష్టించబడుతుంది. మరల వెంటనే నొక్కినప్పుడు, నిర్మించబడ్డ చివరి జాబితా అంశం తొలగించబడి జాబితా అంతమొందించబడుతుంది.

ఉల్లేఖన ఖండం (Block Quote)

ఒక వెబ్‌ పుటను (Web page) అనేక HTML అంశాల (Elements) తో నిర్మించబడ్డ, పెద్ద భాగం/వస్తువు (Object) గా అర్ధం చేసుకోవాలి. వెబ్‌ పుటలలో పరిచ్ఛేదములు (Paragraphs), పట్టికలు (Tables), ప్రతిమలు/చిత్రాలు (Images), అడ్డ గీతలు (Horizontal ruler) లాంటి మొదలగు అనేక అంశాలు వుంటాయి. వీటన్నింటి యొక్క సమూహమే వెబ్‌ పుట. వీటన్నింటిని HTML గుర్తులతో (Tags) నిర్వచిస్తాము. (ఉదా: <‌p> – పరిచ్ఛేదము; <‌table> – పట్టిక, <‌img> – చిత్రాలు మొదలైనవి). HTML గుర్తులను వాటి మధ్య వున్న పాఠంతో కలిపి HTML అంశాలు (Elements) అని అంటారు. వెబ్‌ పుటలో వుండే HTML అంశాలన్నీ వాటిని పుటలో బ్రౌసర్‌‌ ప్రదర్శన కొరకు సంభాళించే విధానం బట్టి పంక్తి స్ధాయి అంశాలు (Inline Elements), ఖండ స్ధాయి అంశాలు (Block level elements) గా వర్గీకరించబడ్డాయి. పంక్తి స్ధాయి అంశాలు అక్షర పాఠం మరియు యితర పంక్తి స్ధాయి అంశాలను కలిగి వుంటాయి. ప్రదర్శించబడేటప్పుడు సాధారణంగా పంక్తి స్ధాయి అంశాలు సరికొత్త పంక్తిలో మొదలవ్వడం కనపడదు. ఖండ స్ధాయి అంశాలు, పంక్తి స్ధాయి అంశాలను మరియు యితర ఖండ స్ధాయి అంశాలను కలిగి వుండవచ్చు. ప్రదర్శించబడేటప్పుడు యివి ఎప్పుడూ ఒక కొత్త పంక్తి నుండే మొదలవుతాయి. ఉల్లేఖన ఖండం పాఠాన్ని ప్రత్యేకంగా ప్రదర్శించడానికి వుపయోగించే ఒక HTML అంశము. ఉల్లేఖన ఖండం, ఖండ స్ధాయి అంశమయిన కారణంగా, అది పంక్తి స్ధాయి అంశాలు, యితర ఖండ స్ధాయి అంశాలను కలిగి వుండగలదు. ఉల్లేఖన ఖండాన్ని ప్రత్యేకంగా కనపడేటట్లు చేయడానికి అనువర్తించబడ్డ రూపలావణ్య ఐచ్ఛికలు, మీరు మీ బ్లాగ్‌‌కు ఎంచుకున్న మాదిరి (template) మీద ఆధారపడి వుంటాయి. మీరు చేర్చిన పాఠంతో ఉల్లేఖన ఖండం చూడటానికి ఎలా వుంటుందో తెలుసుకోదలిస్తే, మీ బ్లాగ్‍లో ఒక పోస్టును ప్రచురించండి. ప్రచురించబడ్డ పోస్టును ఎప్పుడయినా తెరిచి మీరు అవసరం అనుకున్న సవరణలు చేయవచ్చు.

రూపలావణ్యం తొలగించడం

వెబ్‌ పుట (Web Page)లో పాఠానికి (అక్షరాలు, గుర్తులు, చిహ్నాలు మొదలైనవి) రూపలావణ్యం చేకూర్చడానికి HTML గుర్తులు Tags వాడతాము. కొంత పాఠానికి ఒక రూపలావణ్య ఐచ్ఛికము అనువర్తించబడి వుంది అంటే, ఆ పాఠానికి మొదలు, అంతాలలో ఆ రూపలావణ్యం చేకూర్చడానికి అవసరమైన/కారణమైన గుర్తులు వుంటాయి. కాబట్టి ఏదన్నా పాఠానికి రూపలావణ్యాన్ని తొలగించడం అంటే, ఆ పాఠానికి రూపలావణ్యం చేకూర్చడానికి కారణమైన/అవసరమైన HTML గుర్తులను Tags (ఆ పాఠం యొక్క మొదలు, అంతంలో వున్న వాటిని) తొలగించడమే. • రూపలావణ్యం తొలగింపు సాధనం అక్షర పాఠానికి రూపలావణ్యం తొలగించడానికి వుపయోగపడే సాధనం (Tool - Format eraser) కేవలం కూర్పు విధానం (Compose mode) లో మాత్రమే కనపడుతుంది. కొంత పాఠం యొక్క రూపలావణ్యం తొలగించడానికి, ఆ పాఠాన్ని ఎంచుకొని, సాధన పట్టి మీద ప్రతిమ బొత్తం రూపంలో వున్నRemove format from selection సాధనం మీద క్లిక్ చేయండి. ఒక సాధనం పేరు, సాధనం పైన మౌస్‌ సూచికని వుంచినట్లయితే సాధన సూచికలో (Tool tip) ప్రదర్శించబడుతుంది. బొత్తం మీద క్లిక్ చేయగానే, ఎంచుకోబటడ్డ పాఠం యొక్క రూపలావణ్యాన్ని నిర్ధేశించే HTML/ గుర్తులు తొలగించబడతాయి. ఎంచుకున్న పాఠాన్ని చుట్టి వున్న HTML గుర్తులను, రూపలావణ్యాన్ని తొలగించబోయే ముందు, తొలగించిన తరువాత, గమనిస్తే ఈ విషయం అర్ధం అవుతుంది. బ్లాగర్ ప్రోగ్రామ్ మీరు రూపలావణ్యం తొలగించిన పాఠాన్ని సాధారణంగానూ, మిగతా పాఠాన్ని రూపలావణ్యం చేకూర్చబడినదానిగాను చూపడానికి అవసరమైన చోట HTML గుర్తులు (tags) చేరుస్తుంది. పరిచ్ఛేదము (Paragraph) యొక్క రూపలావణ్యాన్ని తొలగించడానికి, మొత్తం పరిచ్ఛేదాన్ని ఎంచుకొని, రూపలావణ్య తొలగింపు సాధనాన్ని వుపయోగించండి. కొన్నిసార్లు మీరు పరిచ్ఛేదము యొక్క రూపలావణ్యం తొలగించడానికి చేసే ప్రయత్నం విఫలమైతే, రూపలావణ్యం తొలగించడానికి HTML విధానంలోకి మారి, పరిచ్ఛేదము మొదలు, అంతంలో, వున్న సంబంధిత HTML గుర్తులు (tags) తొలగించాల్సి వుంటుంది. • ఉపసంహరణ/తిరిగి చేయుట చేయలేము రూపలావణ్య తొలగింపు సాధనంతో మీరు చేసే పనిని ఉపసంహరించడం (undo) కుదరదు. ఆ కారణంగా ఉపసంహరించిన దానిని తిరిగి చెయ్యడం (Redo) కూడా పనిచెయ్యదు. ఒకసారి తొలగించిన రూపలావణ్యాన్ని తిరిగి చేకూర్చాలంటే, కొత్త పాఠానికి రూపలావణ్యం చేకూర్చినట్లు చేకూర్చాల్సిందే. • ప్రతిమల/చిత్రాల రూపలావణ్యం తొలగించడం ప్రతిమలకు/చిత్రాలకు రూపలావణ్యం (అంచు, చిత్రం చుట్టూ ఎడం, మొదలైనవి) చేకూర్చడానికి కూడా HTML గుర్తులను (tags) వాడుతాము. అయితే చిత్రాలకు అనువర్తించబడ్డ రూపలావణ్యాన్ని మాత్రం రూపలావణ్య తొలగింపు సాధనంతో తొలగించడం సాధ్యపడదు. ఒక వేళ మీరు కూర్పు విధానంలో చిత్రాన్ని ఎంచుకుని, ఈ రూప లావణ్య తొలగింపు సాధనాన్ని వినియోగిస్తే, అది పనిచేయదు.

పోస్ట్ ప్రివ్యూ

మీ బ్లాగ్ పోస్ట్ యొక్క ప్రివ్యూ, ప్రచురించబడ్డ తరువాత అది ఎలా వుంటుంది అనడానికి ఖచ్ఛితమైన నకలు కాదు. ఇది మీకు కొంత అవగాహన కలుగ చేసుకోవడానికి పనికి వస్తుంది తప్పితే ఖచ్చితంగా పోస్ట్ ప్రచురణ తరువాత మీ బ్లాగ్‍లో ఎలా కనబడుతుందో అలాంటి రూపం కాదు. మీ బ్లాగ్‌కు వుపయోగించబడ్డ మాదిరి ఎమైన్నప్పటికి యిది తెలుపు నేపధ్యంతోనే చూపబడుతుంది. బ్లాగ్ పోస్ట్​‌ను కూర్చేటప్పుడు అక్షర ప్రదేశంలో కుడి వైపున Show Preview లంకె క్లిక్ చేసినట్లయితే, మీరు అప్పటివరకు అక్షర ప్రదేశములో చేర్చిన పాఠానికి, మీరు ఎంచుకున్న రూపలావణ్య ఐచ్ఛికలను అనువర్తించి పోస్ట్​ను చూపుతుంది. ప్రివ్యూ నుండి మరల పోస్ట్​ను కూర్చే అక్షర ప్రదేశానికి వెళ్ళడానికి Hide Preview లంకె‌ను ఉపయోగించండి. ప్రివ్యూ, కూర్పు మద్య మారడానికి Ctrl + Shift + P కుంచిక ఫలక లఘిష్టము (key board shortcut) కూడా వుపయోగించవచ్చు. • మీ బ్లాగ్‌కు వుపయోగిస్తున్న టెంప్లేట్‌ను గమనంలో వుంచుకోండి పోస్ట్ పాఠాన్ని కూర్చే అక్షర ప్రదేశములో పాఠం తెలుపు నేపధ్యంలో ప్రదర్శించబడుతుంది. మీరు ఎంచుకున్న టంప్లేట్ వలన మీ బ్లాగ్‍లో నేపధ్యం వేరే రంగులో వుండవచ్చు. కాబట్టి మీరు చిహ్నాలకు రూపలావణ్య ఐచ్ఛికలను ఎంచుకునేటపప్పుడు అది మీ బ్లాగ్‍లో ఎలా చూపబడుతుంది అనేది గమనంలో పెట్టుకోవాలి. ఖచ్ఛితమైన నిర్ధారణ కోసం, పోస్ట్​‌ను ప్రచురించి, తదుపరి మీరు అవసరమనుకున్న మార్పులు చేర్పులు చేయడానికి దానిని తిరిగి సవరణకై (editing) తెరవండి.

HTML/CSS

పోస్ట్ బ్లాగ్‌ యొక్క అంతర్భాగం. బ్లాగ్ ఒక వెబ్ పుట. కాబట్టి, పోస్ట్ వెబ్ పుటలో అంతర్భాగమవుతుంది. కాబట్టి పోస్ట్​‌ను కూర్చడమంటే వెబ్ పుటలో కొంత భాగాన్ని కూర్చడమే. వెబ్ పుటలను సృష్టించడానికి, సవరించడానికి, రూప కల్పన చేయడానికి మీకు HTML మరియు CSS తెలియవలిసి వుంటుంది. HTML/CSS గనుక మీకు తెలిసినట్లైతే, మీ పోస్ట్​‌ రూప కల్పనకు చాలా ఎక్కువ అవకాశాలు వుంటాయి. ఈ పుటలను మీరు వరుసగా చదవుకుంటూ పోతే, తదుపరి పుటలలో మీరు HTML, CSS అంటే ఏమిటి, కూర్పు విధానంలో పోస్ట్​‌ను కూర్చినప్పుడు, చొప్పించబడిన HTML, CSS కోడ్‌ను ఎలా సవరించాలి లాంటి విషయాలు తెలుసుకోగలుగుతారు.

అనువాదం :: నేర్పు జట్టు

ఈ పుటకు ఆంగ్ల మూలం

... తరువాతి పుట ౧౨ (12)